Anghel ng Buhay ko

Sa lupa at langit , ako'y nakatindig

Pinapakinggan ang bawat nyang paghimig

Nang ang puso ko ay lubusang nagalak,

Luha ko'y tumulo't sa lupa'y pumatak.

Ang himig nya'y animo'y anghel sa langit,

Na umaakit na sa kanya'y lumapit.

Nang ako'y lumapit sa kanya'y umibig.

Isang babaeng mala-anghel ang tinig.

Tinig nya'y bumalot sa aking katawan,

Paghimig ay tunay na maiibigan.

Puso't isipan, diwa at katawan,

Sa kanya ay nahulog nang yuluyan.

Sana sya ay totoo sa aking buhay ,dahil

Pagibig kong tunay ang sa

kanya'y aking iaalay.

Para kanino ka bumabangon?

Ako'y bumabangon upang sya'y makita,

Sa bawat gawa'y nagbibigay sigla.

Lahat ng bagay sa aki'y kaygaan,

Lahat ay kaygaan, masulyapan ka lang.

Bugso ng damdami'y sumasaya,

Sa tuwing makikita't makakasama

Ngiti nya'y naghahatid ng kasayahan

Kasayahang sa puso ko'y mananahan.

Sa kabutihang loob ay walang pintas

Sa puso't isipan ay tunay at wagas

Mga ugaling sa kanya'y aking hanap

Sa kanya'y natagpuan nang walang hirap

Kwento sa kanya ay maraming umakyat

Nagregalo at sa kanya'y nagtapat,

lahat sila ay nabigo at lumuha

Pag ako umakyat, may pagasa kaya?

Sana'y Nadarama Ko'y Nadarama Mo Rin

Mga mata mo'y bituin sa kalawakan,

Na tumatawag sa puso ko't isipan

Pumupukaw sa bawat ningning at kislap

Pakiramdam ko'y nakalutang sa ulap.

Ako ay hindi makatulog sa gabi,

Larawan mo ay aking laging katabi.

Pakiramdam ko'y kay sarap at kay gaan,

Pakiramdam ko ay wala nang hangganan.

Mamula-mula mong pisngi sa umaga,

Kay sarap na hagkan sa tuwi-tuwi na.

Iyong buhok na mahaba at kay dulas,

Na kumikilita sa aking balbas.

Araw araw ganyan ang aking tingin,

Kayganda mong tunay sa aking paningin.

Langit at lupa sayo ay sumasamba,

Puso ko'y nabihag mo nang talaga.

Ang katunayan ng iyong kagandahan,

Ay kabutihan ng iyong kalooban

Mapansin mo sana lihim kong pagtingin

At sana'y nadarama ko'y nadarama mo rin.